Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 19 de xunetu. 2019 21:58

Ana Rivas: "El bonu infantil pue sacase alantre col actual alcuerdu"

Comparecencia de la concejala socialista Ana Rivas
Ana Rivas: "El bonu infantil pue sacase alantre col actual alcuerdu"

La conceyala socialista acusa a Cuesta de nun implementalu "porque nun quier"

La conceyala del PSOE nel Conceyu d'Uviéu Ana Rivas aseguró que "el bonu infantil pue sacase alantre col actual alcuerdu", en respuesta a les declaraciones del primera teniente d'alcalde, Ignacio Cuesta, sobre la falta d'un conveniu robláu y una "mínima estructura" de personal pa xestionar les solicitúes.

Rivas esplicó que'l sistema pa comprar los bonos ye automatizáu y que namás hai qu'entrar na páxina web y presentar la solicitú y documentación necesaria, que va ser unviada al Consorciu de Tresporte d'Asturies y a cambiu esti va dar les tarxetes, y namás va necesitase personal si hai dalgún "defectu" na solicitú.

Per otru llau, acusó a Cuesta de nun implementar el bonu "porque nun quier" yá qu'aseguró que'l conveniu ta robláu y conseñó que'l primer teniente d'alcalde tendría "qu'estudiar los documentos o preguntar al so sociu de gobiernu Gerardo Antuña (PP) que foi'l que robló esi alcuerdu".

Amás, Rivas respondió a l'acusación de Cuesta sobre nun poder xestionar los cambeos en delles llinies por falta de vehículos y declaró que'l contratu robláu alcordara la compra por parte de la empresa d'un autobús y dos furgonetes p'apurrir tresporte públicu a los vecinos de Naves y Villaperi.

"Con esti alcuerdu iguábemos el tresporte rural", conseñó Rivas.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL