Celebración por partida doble nel sector del tresporte

Los camioneros celebren San Cristóbal y los 40 años d'Asetra

La patronal del tresporte, Asetra, celebra güei los 40 años de la so creación. Más de 250 tresportistes participaron nun actu institucional nel que la organización reconoció'l llabor y trayectoria d'empreses como Transisa, Hermanos Vallina o tresportes Rubén Villar.

Asetra destaca por ser una organización qu'a lo llargo d'estos años foi referente a nivel rexonal y nacional. La loxística, aseguró'l so presidente, nun tien fecha de caducidá pero reconoció que nel futuru va tener qu'encarar incertidumes.

L'aniversariu tamién coincidió cola celebración de San Cristóbal. Una caravana de 60 vehículos engalanaos pa la ocasión recordó al patrón de tresportistes, conductores y camioneros.