Asicom premia a colectivos y persones que desafíen a la realidá pa facela meyor

La Brigada de Salvamentu Mineru dedicó'l premiu a les persones que nun pudieron salvar

L'Asociación Iberoamericana de la Comunicación (Asicom) y la Universidá d'Uviéu entregaron ayeri los sos premios.

La mayor ovación foi pa la Brigada de Salvamentu Mineru que, al recoyer el premiu, dedicólu a toles persones a les que nun pudieron salvar y a les sos families.

Fueron tamién premiaos el periodista, Vicente Vallés; el presidente del Atlético de Madrid, Enrique Cerezo; la baillarina Cecilia Gómez; l'historiador Christian Duverger; l'empresariu ganaderu Juan Pedro Domecq; y la presidenta del Conseyu Empresarial Alianza por Iberoamérica, Nuria Vilanova.

Asicom valora con estos premios a les persones que creen nel futuru, que desafíen la realidá pa facela meyor y qu'ayuden a los demás.

Los siete premiaos pertenecen a disciplines tan estremaes como l'arte, la minería, el periodismu, la ganadería o'l deporte.