Cada vez más compradores decídense pol vehículu d'ocasión

Les razones económiques y la garantía del propiu automóvil, principales razones

No que va d'añu'l sector del vehículu d'ocasión medró un 14% respecto al mesmu periodu del exerciciu anterior, según los datos oficiales que remana la patronal de concesionarios.

Motivos económicos y la garantía qu'ufierta'l mesmu vehículu, son les razones que faen que cada vez más compradores se decidan por comprar un vehículu d'ocasión.

Asina lo confirmaron los profesionales que tán participando esti fin de selmana nel Salón del Vehículu d'Ocasión, nel Pabellón d'Esposiciones de La Madalena (Avilés).

Una edición na que tán presentes cerca de 400 vehículos y 35 espositores, de los que 29 son de venta d'automóviles.

N'Asturies, el parque móvil tien una media d'edá d'ente 10 y 12 años. Los profesionales del sector nun consideren vidable na rexón, cómo ta asocediendo n'otres comunidaes autónomes, l'aplicación de normatives que torguen la circulación de vehículos antiguos pal control d'emisiones contaminantes.

Creen que sedría más acertao dir a los planes PIVE d'ayuda a la compra de vehículu nuevu.