Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 19 de xunetu. 2019 21:19

Cuenta atrás pa la toma de posesión de Barbón como presidente del Principáu

Adrián Barbón durante el pleno de investidura
Cuenta atrás pa la toma de posesión de Barbón como presidente del Principáu

La toma de posesión sedrá ensin que se conoza la composición del nuevu Executivu

El presidente electu d’Asturies, el socialista Adrián Barbón, tomará posesión del so cargu esti sábadu, xusto 55 díes dempués de la celebración de les elecciones autonómiques, nun actu que contará cola presencia de los ministros d’Agricultura, Luis Planas, y Sanidá, María Luisa Carcedo.

Llicenciáu en Derechu pola Universidá d’Uviéu y nacíu en Llaviana en 1980 nel senu d’una familia minera, Barbón sustituirá nel cargu a Javier Fernández, que llevó les riendes del Principáu nos últimos siete años.

A los sos 40 años, Barbón sedrá’l primer presidente asturianu nacíu dempués de la proclamación de la Constitución Española de 1978 daqué que, según señaló él mesmu, tien que dexase notar na forma de facer política y na acción de gobiernu d’una nueva xeneración.

Venceyáu al presidente del Gobiernu en funciones, Pedro Sánchez, y mano derecha n’Asturies de la númberu dos del partíu, Adriana Lastra, Barbón siempre reivindicó un calter conciliador y dialogante, tanto na so etapa municipal, como alcalde que foi nueve años de Llaviana, como al frente del PSOE asturianu, del que tomó’l timón va dos.

Barbón, octavu presidente dende qu’Asturies celebró les sos primeres elecciones en 1983, y novenu dende que Rafael Fernández asumiere’l cargu na etapa preautonómica ente 1978 y esos comicios, tomará posesión del so cargu a les 12:00 del sábadu nun actu que se celebrará na planta noble de la Xunta Xeneral del Principáu.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL