L'HUCA fai'l tresplante de fégadu númberu 500 d'Asturies

Va 15 años fízose na rexón el primer tresplante de fégadu

L'HUCA fizo'l tresplante de fégadu númberu 500 d'Asturies. El paciente, un sierense de 59 años, recupérase na UCI del centru tres una operación que duró unes seis hores y media y prolongóse hasta esti alborecer.

Según el ciruxanu Ignacio González Pinto, responsable de la Unidá de Tresplantes Hepáticos, foi una intervención complexa por mor de que'l paciente ye un home con sobrepesu y con problemes leves de corazón y reñón.

Ye'l decimoquintu tresplante de fégadu no que va d'añu. Dase la circunstancia de que n'abril cumpliéronse 15 años del primer tresplante de fégadu que se fizo na rexón.