Uviéu entama la reforma de la estructura y la cubierta del Palaciu los Deportes. Una obra que se fai dempués de les quexes de los usuarios polas filtraciones d’agua pal polideportivu, que cuenta con más de mediu sieglu d’antigüedá.
El plazu de fechura ye de cuatro meses y tien un presupuestu de 95.000 euros. L’edificiu ye mui singular, porque tola estructura encóntase en columnes esteriores. Esos pilares tán reformándose, anque nun taben en situación de peligru.
Amás, l’Ayuntamientu d’Uviéu llicitará nunes selmanes les obres de climatización del Palaciu los Deportes, que cuntarán con un presupuestu de 3 millones d’euros y 40 meses pa la so fechura, en parte subvencionada por fondos europeos.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL