Dende mañana’l Principáu nun va dexar garrar ocle na mariña oriental asturiana

Los pescadores tán a nada de completar el cupu de 1,3 millones de quilos

La dirección xeneral de Pesca señaló qu'esti martes va acabar la costera d'ocle con ayuda de barcos y buzos en tola mariña oriental.

Los barcos sacaron unes 18 tonelaes na xera d'esti llunes, según los profesionales de la mar, polo que yá namás-yos quedaríen poco más de 40 tonelaes pa completar el cupu de 1,3 millones de quilos.

Los precios d'ocle moyao cayeron hasta 14 céntimos por quilo de gelidum nos tres últimos años, pasando de los 74 céntimos que se pagaben na campaña del 2017 a los 60 céntimos que se paguen anguaño.

Los profesionales de la mar siguen destacando que la calidá del ocle de la mariña llanisca ye de lo meyor de tol mar Cantábricu.