El Principáu va caltener la reserva del 35% de vivienda pública pa mozos

Álvarez diz qu'otru de los retos d'esta llexislatura ye potenciar la rehabilitación

El Gobiernu asturianu tien por oxetivu caltener la reserva del 35% de les promociones de vivienda social pública n'arriendu pa menores de 35 años, según informó esti martes la conseyera de Derechos Sociales y Bienestar, Melania Álvarez.

Álvarez fixo estes declaraciones nel Alcuentru Mediterraneu sobre política de vivienda social en materia de rehabilitación y probitú enerxética, nel que defendió la vivienda como elementu de bienestar social y como un derechu.

La conseyera indicó qu'otru de los retos d'esta llexislatura ye potenciar la rehabilitación de vivienda, tanto del parque públicu como del priváu, y facelo aplicando criterios de sostenibilidá y eficiencia enerxética.