La séptima edición del Desafíu Somiedu del viniente sábadu 27 de xunetu sedrá esti añu’l Campeonatu d’España de carreres de monte y contará cola participación de 800 corredores, 400 na prueba de 85 kilómetros y igual númberu na de 47, el máximu permitíu poles autoridaes del Parque Natural.
La carrera supondrá un impactu económicu al rodiu del mediu millón d’euros na zona, según l’organizador de la prueba, Juan Fuego que tuvo acompañáu na presentación de la carrera pol alcalde somedanu, Belarmino Fernández.
"La carrera foi medrando y esta vegada yá ye Campeonatu d’España y más per primer vegada disputaráse’l campeonatu de selecciones autonómiques cola presencia de doce d’elles", dixo Juan Fuego qu’aseguró que "la prueba nun sedría posible ensin la collaboración de la xente del llugar, como los 200 voluntarios que tarán atentos a incidencies nel percorríu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL