El ministru de Fomentu en funciones, José Luis Ábalos, alcordó esti llunes col presidente del Principáu, Adrián Barbón, la ellaboración d'un ‘plan de choque' pa les cercaníes ferroviaries y comprometió l'entamu de les pruebes na Variante de Payares a empiezos de 2021.
Ábalos afitó estos compromisos con Barbón na xunta que caltuvieron en Madrid na que'l titular de Fomentu señaló que la llicitación n'infraestructures de tresporte n'Asturies aumentó más d'un 25% ente xunu y avientu de 2018 y más d'un 16% ente xineru y agostu d’esti añu.
Tocante a la Variante de Payares, el titular de Fomentu indicó que les sos previsiones asitien a empiezos de 2021 l'entamu de les pruebes na infraestructura una vez que se consiguieron "toles torgues que la afectaben hasta fai bien pocu tiempu, de manera que los trabayos avancen a bon ritmu".
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL