Llanzamientu d’una campaña pa prevenir el dolor de llombu causáu poles mochiles escolares

'El tebeo de la espalda' quier enseñar hábitos saludables a los neños

Amenorgar el pesu de les mochiles escolares, adaptar el moblame escolar o practicar deporte en familia, son dalgunes de les recomendaciones pa evitar el dolor de llombu nos escolinos.

Pa crear hábitos saludables dende la infancia, el Conseyu Xeneral de Colexos Oficiales de Médicos y la Unidá de la Espalda Kovacs presentaron esta mañana la so nueva campaña de prevención dirixida a estudiantes, la comunidá escolar y la familia.

El pesu de la mochila nun tendría que superar el 10% del pesu corporal del neñu, pero un terciu de los escolinos supera esa llende. Dende les asociaciones de padres reclamen midíes nos colexos.

Cola campaña de prevención 'El tebeo de la espalda' quier enseñase a los neños, de mou cenciellu, hábitos saludables pa caltener un llombu sanu.

Recomiéndase amás evitar el reposu en cama si se sufre dolor. Ente los 13 y los 15 años, el 51% de los neños y el 69% de les neñes tuvieron dalguna vegada dolores d’espalda.