Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 13 de mayu. 2019 09:07

Entra a valir el rexistru de la xornada llaboral

Instalaciones de CTIC
Entra a valir el rexistru de la xornada llaboral

Obliga a toles empreses a anotar diariamente les hores de trabayu de los sos emplegaos

Güei entra a valir el rexistru de la xornada llaboral qu'obliga a toles empreses a anotar diariamente les hores de trabayu de los sos emplegaos coles mires de controlar posibles escesos de xornada.

Esti rexistru tien qu'incluyir l'horariu concretu d'entamu y acabu de la xornada de cada emplegáu pol mecanismu que cada empresa alcuerde colos representantes de los trabayadores o nel so defectu, el que decida l'empresariu, y que pue ser dende manual hasta biométricu.

El Ministeriu de Trabayu afitó que'l modelu de rexistru tendrá qu'ufiertar fiabilidá y acreitar que nun ye manipulable y que nél van tener que constar, cuando tean regulaes na empresa, les poses y descansos de los trabayadores pa que nun computen como tiempu efectivu de trabayu.

Estos rexistros tendrán que caltenese cuatro años y tar disponibles pal trabayador, los sos representantes sindicales y la Inspección de Trabayu y Seguridá Social. Nun tenelos va ser motivu de sanción grave con multa d'ente 626 y 6.250 euros.

La Inspección de Trabayu va entamar a esixir los rexistros dende'l llunes 13 de mayu, anque va dar a les empreses un marxe (non más d'un mes) si ve bona voluntá y que ta negociando colos representantes de los trabayadores.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL