Alcoa cree que l’estatutu electrointensivu nun aporta la solución que la industria del aluminiu necesita

Podría poner en riesgu la venta de les plantes d’Avilés y A Coruña

Alcoa considera que’l borrador del Estatutu de Consumidores Electrointensivos "nun aporta la solución que la industria del aluminiu primario n’España necesita pa la so sostenibilidá", lo que podría poner en riesgu la venta de les plantes d’Avilés y A Coruña.

La multinacional alertó de que la viabilidá de la so planta d’aluminiu nel complexu de San Ciprián, en Lugo, ta en riesgu y el so futuru peligra si’l Gobiernu nun toma más midíes que les inxertes nel borrador.

La planta lucense ye la única fábrica d’aluminiu primario qu’Alcoa tien abierta n’España, dempués del pieslle de les d’Avilés y A Coruña, nes que namái siguen actives les funciones. La so venta, que se negocia dende va meses, tamién taría en riesgu si les midíes p’ayudar a los grandes consumidores d’electricidá son les afitaes nel borrador.

"El borrador d’Estatutu nun aporta la solución que la industria del aluminiu primario n’España necesita pa la so sostenibilidá", aseguraron fontes d’Alcoa, que consideren que les midíes que se proponen "son insuficientes", porque caltendríen un significativu diferencial en costu d’enerxía al respective de los países competidores.