Sánchez urxe a que'l presupuestu européu tea operativu en xineru de 2021

Pide certidume pa les empreses, ganaderos, agricultores y investigadores

El presidente del Gobiernu en funciones, Pedro Sánchez, apuró esti miércoles a que'l presupuestu financieru pluriañal comunitariu pal periodu 2021-2027 tea operativu dafechu en xineru de 2021 y pidió un alcuerdu "lo más pronto posible".

Na so comparecencia nel Plenu del Congresu pa esplicar les conclusiones del últimu Conseyu Européu en Bruxeles del 20 y 21 de xunu asina como del estraordinariu del 30 de xunu y pa informar de l'amenaza del brexit, Sánchez señaló qu'España defende un marcu financieru "ciertu, ambiciosu y áxil" pa xestionar los recursos, sobre manera los empobinaos a los emprendedores que son los que "arriesguen pa poder crear trabayu".

"La fortaleza y la xunión d'una España próspera depende d'una Europa próspera qu'encare de frente y nun dea'l llombu a los nuevos retos qu'hai per delantre", dixo dempués d'insistir en que nel alderique del Conseyu européu la posición d'España foi clara pa que s'avance con rapidez nel presupuestu comunitariu pluriañal col envís de xenerar certidume.

"Certidume pa les empreses, pa los agricultores, pa los ganaderos, pa los investigadores de les universidaes y pa les instituciones que quieren impulsar inversiones productives, remató.