Música pa celebrar el Día de les Lletres Asturianes

Comprando un llibru n'asturianu va regalase un discu doble con 40 cantares

'40 años al son de la nuestra música / 40 anos al son da nosa música', ye'l títulu del discu doble pa celebrar los 40 años de la Selmana de les Lletres Asturianes, dedicada esta vez a la música asturiana.

Va regalase mañana, vienres, Día de les Lletres Asturianes, pola compra d'un llibru o d'un discu n'asturianu.

Nuberu, Dixebra, Felpeyu, Skama la Rede o Marisa Valle Roso. La elección de los 40 temes que componen el discu fue complexa porque había munchos candidatos. Escoyólos una comisión, cuidando'l papel de les muyeres na música asturiana y la presencia de tolos xéneros.

Lo mesmo los artistes que les discográfiques collaboraron de baldre con esti discu pa dexar claro que l'asturianu sirve pa cuntar y cantar en cualquier estilu.