La costa asturiana, recuperada del impactu del Prestige

Les más afectaes fueron les aves marines

La costa asturiana ta recuperada del impactu del Prestige, según José Luis Acuña, director científicu del Observatoriu Marín d'Asturies. Fai 15 años el cascu del petroleru rompió frente a la costa gallega. El fuel estendióse 2000 kilómetros ente Portugal y Francia.

Una corriente de talú provocó que la zona más afectada d'Asturies fuera ente Peñes y la frontera con Cantabria. Según Acuña l'impactu na costa asturiana foi moderáu y l'ecosistema recuperóse nun par d'años. Les más afectaes fueron les aves marines.
Xunto a otros biólogos de la Universidá d'Uviéu, Acuña foi convidáu a les xuntes con científicos posteriores al naufraxu del Prestige.

Dempués de 15 años, l'ecosistema camudó enforma y pa mal, pero'l culpable nun ye'l Prestige.