Germán Albuerne, criador de gües en Cuideiru

Reconoz que nun ye un negociu rentable, pero failo por afición y por heriedu

Germán Albuerne lleva cuasi 20 años criando gües en Santa Marina, nel conceyu de Cuideiru. Failo por afición y por heriedu, yá que sos tíos tamién los criaben.

Percuerre delles feries y fai demostraciones con una pareya de gües per toa España. Agora bien, reconoz qu'enseñar a estos animales ye complicao. La vida de los gües ye llarga, y más anguaño porque nun trabayen como enantes.

Germán tamién ceba y alimenta a los sos gües pa vendelos pa carne. Sicasí, la crisis sanitaria tamién repercutió nes ventes. Asegura, amás, qu'anque esiste poca competencia, criar gües nun ye un negociu rentable.

Sicasí, pese a la incertidume y a la falta de rentabilidá, Germán va siguir cola crianza de gües.