Dende qu'entamó la fuelga d'examinadores de tráficu va seis meses, tres autoescueles asturianes pesllaron y decenes de trabayadores perdieron el so trabayu.
Son datos de la Xunión d'Empresarios d'Autoescueles d'Asturias que califiquen la situación de "crítica".
Nun entren a valorar si les reivindicaciones de los examinadores, que busquen una xuba salarial, son xustes o inxustes, pero piden al Gobiernu central que solucione la griesca darréu porque, solliñen, non solo los afecta a ellos.
Güei cuasi un centenar de coches colapsaron la ciudá d'Uviéu nuna protesta pa facer visible'l so problema.
Énte esta situación la DXT acaba de dar anuncia de que decretará'l 50% de los servicios mínimos en toles Xefatures de Tráficu si n'avientu sigue la fuelga. Failo énte la poca voluntá pa negociar d'esti colectivu, según dixo güei'l Director Xeneral de Tráficu.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL