El plan pilotu del usu del asturianu como llingua vehicular sigue alantre

Educación critica l'actitú del PP dempués del recursu énte'l TCXA

Educación siguirá alantre col so plan pilotu d'usu del asturianu como llingua vehicular anque'l TCXA almitiere a trámite'l recursu del PP.

Seis centros de la rexón con polo menos el 75% del alumnáu de cuartu de primaria matriculáu n'asturianu entamarán en setiembre'l plan pilotu.

El conseyeru recuerda que'l PP defende la enseñanza billingüe n'otres comunidaes y ye gafu énte la Llingua que califica de "odiu atávicu".

Cree amás que'l PP rexonal presionó al ministeriu pa frenar la creación de la especialidá docente d'asturianu.

Genaro Alonso matiza que'l plan pilotu ye voluntariu y nun supón costu adicional a los centros. Consistirá n'impartir n'asturianu -con sofitu del castellanu- una asignatura a escoyer ente les árees de ciencies sociales, naturales, educación artística o física.