Llimpieza y acondicionamientu de dos antiguos molinos d'agua n'Ibias

Los encargaos de llevar alantre esta actuación, son participantes nes 'Welcome to de rural'

Segundu día de les xornaes 'Welcome to the Rural' que se faen en Trabáu, en Degaña, sobre los retos y les oportunidaes del mundu rural.

Les actividaes de güei axúntense sol títulu 'Curiando'l patrimoniu' y, con esta intención, los participantes moviéronse hasta'l vecín conceyu d'Ibias, pa llimpiar y acondicionar dos antiguos molinos d'agua.

Un puntu d'alcuentru y alderique nel que mediu centenar de persones llegaes de toa España pudieron ver de cerca les dificultaes qu'atraviesa'l mediu rural, pero tamién les oportunidaes.

De l'actividá del fin de selmana yá se saquen unes primeres conclusiones. La despoblación ye'l principal retu y la comunicación, el trabayu de mancomún y la formación son claves.

Un porcentaxe de les inscripciones nes xornaes va empobinase al caltenimientu y a la reposición de pieces nos molinos nos que se trabayó, en cooperación colos propietarios.