Protesta na rede de los estudiantes de la Universidá d'Uviéu

Piden feches concretes pa facer los esámenes y concreción nos métodos d'evaluación

Estudiantes de la Universidá d'Uviéu entamaron una protesta per Twitter pa que la Universidá los escuche ante los problemes que tán atopando nesti confinamientu.

Col hashtag #UniOviNosAbandona, qu'algamó ser tendencia nacional na rede social, piden feches concretes pa facer los esámenes, de primeres afitaos presencialmente pa mediaos del mes de mayu.

Tamién aseguren que nun-yos tán dexando claros los métodos d'evaluación y tienen qu'encarar una carga de tarees enorme.

Dende la Universidá aseguren que'l rector tratará esti tema na rueda de prensa que dará'l vienres tres el Conseyu de Gobiernu.