Alcuentru de doctorandos pa compartir esperiencies sobro la formación educativa n'equidá

Los participantes investiguen pa meyorar la relación alumnu-profesor y la educación

Cuarenta doctorandos de les universidaes d'Uviéu, Santiago de Compostela, Vigo, Coruña y Cantabria xunen esti fin de selmana n'Avilés pa compartir esperiencies sobro la formación educativa n'equidá.

Los participantes tán investigando sobro distintos ámbitos que meyoren la relación alumnu-profesor y la educación. Munchos vienen de la enseñanza, pero tamién hai economistes, sanitarios o inclusive policíes que busquen sinerxes na pedagoxía p'aplicar nel so trabayu diariu.

La Universidá d'Uviéu ye l'anfitriona anguaño d'esti alcuentru de mozos investigadores que'l próximu añu va celebrase en Galicia.