El Colexu d'Arquitectos d'Asturies sumóse a la declaración nacional d'Emerxencia Climática. Apuesten pol modelu d'edificación Passivhaus, col que se consigue menguar hasta'l 80% el consumu de calefacción y refrixeración.
El Principáu ta amplicándolo per primera vez nun edificiu de vivienda protexida, en Muros, que tará acabáu pa febreru. Son 20 viviendes, d'unos 50 metros cuadraos, distribuíes alredor d'un patiu. Orientación sur, triple acristalamientu, aisllaes térmicamente y totalmente hermétiques.
El sistema de ventilación con calor controla y filtra l'aire qu'entra y sal de la vivienda.
La estructura en madera ye otru aforru enerxéticu.
Vecinos de Muros con pocos recursos podrán optar al alquiler d'estes viviendes, que son una forma de lluchar escontra la probitú enerxética.
El plazu de solicitú ta abierto hasta'l próximu miércoles.