Asturies rexistra 1.236 positivos y 55 finaos por coronavirus

Los datos acumulaos dende l’entamu de la pandemia inxerten tamién 90 curaciones

Asturies rexistró hasta esti llunes 1.236 contaxos por coronavirus, un 6,7% más que los contabilizaos hasta ayeri (78 casos más), y el númberu de finaos xube yá a 55, dempués de seis nueves muertes, informó la Conseyería de Salú.

Los datos acumulaos dende l’entamu de la pandemia inxerten tamién 90 curaciones, 12 más qu’ayeri.

Un total de 61 pacientes siguen ingresaos na UCI -cuatro más qu’ayeri-, mientres qu’otros 306 tán en planta nos hospitales d’Asturies, 25 más.

Hasta agora, el Llaboratoriu de Microbioloxía del Hospital Universitariu Central d’Asturies (HUCA) procesó 10.476 muestres pa la determinación de COVID-19 por PCR, colo que se ficieren 697 pruebes nes últimes 24 hores.