El Principáu y el Ministeriu de Sanidá van roblar un conveniu pa la cesión a Asturies de datos del formulariu de control sanitariu xestionáu al traviés de l'aplicación Spain Travel Health que dexa evaluar si los pasaxeros que lleguen al país en vuelos internacionales tuvieron contactu cola COVID-19 y facilita la so localización si coincidieron con un casu positivu.
Según informó l'Executivu tres la so xunta selmanal, la información dexa tamién el siguimientu d'estes persones nel so destín dientro d'España col envís de detectar bien llueu posibles síntomes de la enfermedá y aplicar midíes de vixilancia y control.
En virtú del conveniu, el Ministeriu comprométese a apurrir al Principáu información sobro los formularios de salú pública de los pasaxeros internacionales que se dirixan al so territoriu.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL