Güei presentóse'l prototipu del proyectu eMula, un vehículu autónomu que ye capaz de rozar terrenos con pendientes d'hasta'l 55%, nel que participen, la Conseyería de Desenvolvimientu Rural, empreses privaes y el Conceyu de Cabrales.
Dexa amenorgar el riesgu de quemes, reutilizar la materia orgánico pero, sobre manera, recuperar zones de campera que son claves na economía local.
Pue segar, recoyer y regar con namái acoplar la ferramienta necesaria. Una ferramienta de trabayu afayadiza en conceyos como'l de Cabrales, con una complicada orografía, que dexa amás combatir el so principal enemigu: los artos.
Pero ye tamién una apuesta pola economía circular, porque se reutiliza pa faer compost col cuchu que xeneren les esplotaciones locales y que llega hasta esta planta de tratamientu. Asina eviten mercar la paya fuera d'Asturies a un preciu más eleváu y, amás, xeneren un abonu de calidá pa les sos camperes. Y too esto con un motor híbridu que malapenes xenera emisiones.
Ye, poro, un exemplu de sostenibilidá y valorización de los recursos locales que pue ser clave nel conceyu de Cabrales, pero que llueu vamos poder ver n'otros munchos puntos d'Asturies.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL