El TC28 de Mieres gana per segundu añu siguíu’l Campeonatu de Pinchos y Tapes d’Asturies

El Blanco de Cangas del Narcea y la sidrería Castru Gaiteru de Llanes completen el podiu gastronómicu

Per primer vegada nos 12 años que lleva celebrándose’l Campeonatu de Pinchos y Tapes d’Asturies, un restaurán gana’l primer premiu de mou siguíu.

Ye’l TC28 de Mieres, qu’ayeri pela nueche ganó esi primer puestu con una propuesta con tintes mexicanos. El segundu premiu foi pal Blanco de Cangas del Narcea, que cuenta con bon palmarés nesti concursu. El terceru va pa Celoriu, en Llanes, a la sidrería Castru Gaiteru.

El xuráu, presidíu pola Estrella Michelín, Esther Manzano, destacó l’alta calidá de los productos presentaos esti añu.