El coronavirus ye más mortal n'Asturies que nel restu d'España

Nel Principáu finaron. el 4,3% de los infestaos, doblando la media estatal

Según los últimos datos del Ministeriu de Sanidá, n’Asturies 1.475 persones de les 94.560 contaxaes finaron una cifra qu’asitia a Asturies como la comunidá autónoma onde’l coronavirus ta siendo más mortal.

Finaron el 4,3% de los infestaos, doblando la media estatal. Un porcentaxe qu’inclusive xube en más d’un puntu, hasta’l 5,5%, si atendemos a los datos del Observatoriu de la Salú d’Asturies.

Ser la comunidá más avieyada d’España ye la primera de les causes, lo qu’esplica que nesi ranking tean tres del Principáu otres comunidaes con esti mesmu factor poblacional como son Castiella y Lleón y Castiella-La Mancha.

​

Pero tamién les enfermedaes cróniques. El 62% de los finaos con COVID-19 n’Asturies tenía hipertensión arterial. Una enfermedá cardiovascular venceyada, esplica la catedrática en Medicina Preventiva y Salú Pública, Adonina Tardón, al impactu del trabayu industrial de los nuestros mayores.

N’Asturies, tres de la hipertensión como causa asociada al fallecimientu con COVID-19, tán les cardiopatíes y les demencies.