El sector pesqueru asturianu menguó nes últimes décades

Les embarcaciones amenorgaron hasta un 60%

El sector pesqueru asturianu menguó nes últimes décades, el númberu d'embarcaciones amenorgaron hasta un 60% y el sector primariu tien menos pesu na economía asturiana, supón agora'l 3%.

La cantidá de pesca tamién menguó un 11%.

La flota pesquera asturiana perdió en menos de 15 años el 40% de les sos embarcaciones. Nel añu 2003 había 432 barcos pesqueros y en 2017, 256. 

Son munches más embarcaciones si facemos la comparativa respecto al añu 1990, nesa fecha Asturies cuntaba con 644 embarcaciones, esto ye, hai un 60% menos.

Por cofradíes, toles principales perdieron embarcaciones, y fáenlo de manera notable, en tolos casos más de la metá. Son los casos d'Avilés, Cuideiru, Llanes o L.luarca.

Mui significativu'l casu de Xixón y L'Arena. Teníen, respectivamente, 85 y 88 embarcaciones en 1992 y en 2017 yeren 20 en Xixón y 16 en L'Arena.