La Federación de Sordos del Principáu reclama axilizar la homologación de mazcarines tresparentes

Aseguren que les mazcarines d’agora provoquen una mayor esclusión y problemes de comunicación

La Federación de Sordos del Principáu reclama a les alministraciones axilizar la homologación de les mazcarines tresparentes.

Aseguren que les mazcarines d’agora, opaques, provoquen nes persones sordes una mayor esclusión y problemes de comunicación.

Nos últimos meses son munches les iniciatives pa fabricar estes mazcarines, pero entá nun hai nengún modelu homologáu y seguru dafechu. Una vegada que s’algame, el siguiente pasu, el más importante aseguren dende la Federación, ye concienciar a la población, sobre manera a ciertos colectivos, pa que la pongan.

Más de 70.000 persones yá roblaron n’España pa homologar eses mazcarines tresparentes. N’Asturies hai unes 1.500 persones sordes.