La Nueche Blanca medra la crisis ente Universidá y Ayuntamientu d'Uviéu

La visita a la Escuela de Mines foi cancelada porque se programó ensin informar al Vicerrectoráu

La Nueche Blanca d’Uviéu, con 45 actividaes culturales programaes y más de 250 artistes participantes, medró la crisis abierta ente l’equipu de gobiernu municipal y el rector universitariu, Ignacio Villaverde, dempués de la decisión de la institución académica de treslladar al campus de Mieres la Escuela de Mines, asitiada na capital asturiana dende 1959.

Dientro de les actividaes de la Nueche Blanca, el director de la Escuela, Francisco Javier Iglesias, aseguró que solicitó al Rectoráu autorización pa celebrar nel edificiu, asitiáu nel centru d’Uviéu, una actuación del Coru Mineru de Turón y una visita guiada a les sos instalaciones, que fueron aprobaes el mes de xunetu pasáu.

Sicasí, según el Rectoráu, la visita guiada tuvo que ser cancelada nel mesmu momentu por mor de que se programare ensin informar al Vicerrectoráu d’Estensión Universitaria y Proyección Cultural, encargáu de coordinar los actos celebraos na Universidá dientro de la Nueche Blanca.