La PTTP augura que'l tráficu mistu pela Variante duplicará la circulación de mercancíes

Destaca que supondrá una revolución económica p'Asturies

La Plataforma Tecnolóxica Túneles de Payares considera que la implantación d'un tercer filu pal pasu de mercancíes per ún de los túneles de la Variante de Payares supondrá una revolución pa la economía asturiana.

El so vicepresidente, José Antonio Sáenz de Santa María, estima que la nueva infraestructura supondrá que se duplique o triplique'l tráficu de mercancíes, qu'anguaño ye de dos millones de tonelaes al añu.

Sáenz de Santa María solliña amás que la puesta en marcha de la Variante permitirá medrar el llargor de los trenes, la frecuencia de los mesmos y too ello, asegura, abaratando costes. El Musel, señala, sedrá otru de los grandes beneficiaos.