La vacunación sigue ensin cita nos puntos avezaos y na Universidá

Asturies suma 30 casos y la muerte d'una persona en tres díes

El campus de Xixón foi esta mañana’l puntu de vacunación ensin cita previa qu’entamen el Sespa y la Universidá d’Uviéu. Les xornaes entamaron el vienres, con cerca de 90 vacunaos, y siguirán tola selmana pelos diferentes campus. Una nueva oportunidá pa los que nun pudieron, o nun quixeron vacunase enantes.

Entamaben a vacunar a les 9:00, pero yá dende minutos enantes había cola. Cada vez, aseguren dende’l Sespa, amiéstense más indecisos, anque los más de los estudiantes que se vacunaron güei en Xixón tenía motivos pa nun vacunase enantes.

Una oportunidá que Yousef Navidtehran, estudiante de segundu cursu d’Inxeniería Mecánica nun quier desaprovechar, porque nel so país, Irán, la vacunación, diz, va con retrasu.

Mañana martes, el puntu de vacunación sedrá’l campus de Mieres.

Asturies sumó 30 casos de coronavirus nes tres últimes xornaes y rexistró la muerte d’una persona de 88 años, según los datos de la Conseyería de Salú.