Los abellugos de monte prepárense p'agospiar a los primeros veceros

Desapaez el material compartío nel protocolu común consensuáu pa Picos

Los abellugos de monte prepárense p'agospiar a los primeros veceros. Los de Picos d'Europa consensuaron un protocolu común que fadrá que volvamos a ver mochiles grandes ente les persones que duerman nestos establecimientos. Con munchu trabayu pa subir el material y organizar los espacios, estos establecimientos prepárense p'acoyer al máximu númberu de persones posible.

Desapaez el material compartío y caunu tendrá que llevar el so sacu, les sos zapatilles de descansu y, si quier, la so almuhada. Tampoco podrá faltar la mazcarilla.

El protocolu inclúi una mengua d'aforu. Cada abellugu adaptó les sos instalaciones. El de Vegarredonda o'l d'Andara yá tán abiertos, con reserva, pa dormir. Otros fadránlo na próxima selmana.

El de Quirós, de momentu, namái abre'l serviciu de bar, pola dificultá pa caltener distancies dientro. Quieren que la xente los visite en monte, pero sobre manera que seyan responsables.

Una nueva forma d'agospiase nos abellugos que requier la collaboración de toos.