La Federación Asturiana de Conceyos va entamar cursos formativos sobre la nueva llei de contratos públicos pa que tolos ayuntamientos puean aplicar la norma correctamente. Anque los efectos veránse col tiempu, esperen que los cambios seyan beneficiosos.
Nel Conceyu de L.lena reconocen que l'adaptación pue causar demores nos primeros meses hasta que los funcionaros municipales se pongan al día, pero valoren que'l cambiu normativu prime la calidá frente al preciu de les ufiertes.
En Xixón aseguren que tienen ventaya porque les cláusules sociales y medioambientales yá s'incluyen nes llicitaciones dende l'añu pasáu.
El Conceyu aceleró la publicación de los contratos enantes del 9 marzu, día nel qu'entró en vigor la nueva llei, porque a partir d'agora la tramitación sedrá electrónica.
Los nuevos pliegos pasarán pela xunta de gobiernu local el próximu martes.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL