Los rayos ultravioleta, posible ferramienta pa lluchar escontra'l coronavirus

Una placa d'illuminación LED, diseñada en Castropol, preparada pal testéu

En plena fase d'investigación sobre la COVID-19, too apunta a que los rayos ultravioleta podríen ser una ferramienta p'acabar col virus. Una pequeña empresa de Barres, en Castropol, prepárase estos díes pa testar un diseñu que podría eliminar el coronavirus n'espacios zarraos.

El diseñu pudo adaptar nuna placa, usada pa illuminación LED, 90 chips d'illuminación LED ultravioleta con sensores de detección pa entrar en funcionamientu n'ausencia de persones.

Una vez na carril de montaxe, la placa taría ensamblada en poco más de tres minutos. A diferencia d'otres, esta empresa desendolcó la so propia placa.

Una vegada nel llaboratoriu buscaríase comprobar el tiempu que fai falta p'acabar col virus nun espaciu determináu.

Una alternativa que, de confirmase, ayudaría a meyorar les condiciones de vida escontra unu de los virus más agresivos a los que s'enfrenta’l ser humanu.