Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
Fuente: RTPA, 5 de abril. 2020 15:24

Medra'l consumu d'agua embotellao nel Principáu

El Consorciu d'Agua d'Asturies asegura que'l consumu d'agua del grifu ye seguru

Desque empezó'l confinamientu, el consumu d'agua embotellao nel Principáu medró. El Consorciu d'Agua d'Asturies quier dexar claro que'l consumu d'agua del grifu sigue siendo seguru, y que les posibilidaes de tresmisión del COVID-19 al traviés d'esta canal son inesistentes.

Pese al estáu d'alarma, el personal de les redes de saniamientu sigue trabayando pa garantizar la potabilidá del agua que llega hasta los nuesos llares.

Anguaño, tampoco se detectó presencia de COVID-19 nel agua residual tratao nes depuradores. Sicasí, el consorciu sí detectó una medría de los residuos non desechables que se tiren al traviés del inodoru.

El Consorciu d'Agua recuerda que l'agua xuega un papel fundamental na batalla escontra'l coronavirus y, por ello, anima a los ciudadanos a usar esti recursu con responsabilidá.

© 2023 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL