Pablo Álvarez y Raquel Murias van encabezar les llistes de SOS Occidente nes fasteres occidental y central

La candidata bualesa destaca que "la sangría demográfica ye'l problema prioritariu que tien Asturies"

El nuevu partíu políticu SOS Occidente, integráu yá na plataforma España Vaciada, va dir nes próximes elecciones autonómiques n'Asturies tanto na circunscripción occidental como na central, onde va encabezar la llista'l llabrador Pablo Álvarez, según alcordó la coordinadora d'esa formación.

La candidatura va denomase SOS Occidente-Centru y Fernández (Yerbu, Tinéu, 1977) aseguró que va dedicar toles sos enerxíes y capacidaes a defender la llexitimidá de los ciudadanos de la contorna occidental, a reivindicar los sos derechos "que pasen per unes infraestructures, tanto de movilidá como de comunicación, modernes y segures y unos servicios públicos eficientes".

"Pidíennos enfotu pa presentanos nel centru y facémoslo", apuntó, pela so parte, la candidata pola circunscripción occidental, Raquel L. Murias, afondando en que "la sangría demográfica ye'l problema prioritariu que tien Asturies" lo que fai necesaria la so presencia nes instituciones pa garantizar el presente y el futuru de los pueblos.