Pezós regula la recoyida de setes

La ordenanza nun dexará recoyer más de 10 kilos per día y vecín y seis a los forasteros

En daqué más de tres selmanes recoyer setes en Pezós dexará de ser una xera ensin control. L'Ayuntamientu acaba de facer una ordenanza municipal pa la so regulación.

Una iniciativa pionera nel occidente y que, una vez superáu'l periodu d'alegaciones, acarreará sanciones d'hasta 300 euros en casu d'incumplimientu.

La ordenanza nun dexará recoyer más de 10 kilos per día y vecín y a seis a los forasteros. En dambos casos, tendrá que tar en posesión de llicencia. Recoyida que sedrá de baldre pa fines educativos y científicos, con un tope nesti casu de dos kilos al día.

Una midida que foi bien recibida poles sociedades micolóxiques. La so aspiración pasa agora por facer estensiva esta regulación a los demás ayuntamientos y la redacción y aprobación d'una normativa a nivel rexonal.

Too nun añu marcáu pola ausencia de setes. La falta de lluvia y les xelaes tán retrasando la so apaición. Una normativa pionera d'una actividá qu'amiesta ciencia, ociu, deporte y bona mesa.