Les ancles del Muséu d’Ancles de Salinas camudarán d’imaxen nunos meses. Esta selmana entamó la restauración dafechu d’unes pieces que nun se tocaren dende va 30 años. Los trabayos centraránse, nuna primer fase, en restaurar les cuatro ancles más estrozaes.
Al detalle y con procuru foi como s’entamó a restaurar les ancles centenaries del Muséu d’Ancles de Salinas. Pieces de muséu que taben mui estropaies pol pasu del tiempu. Una d’elles, por exemplu, ye del sieglu XVI y perteneció al galeón español Nuestra Señora d’Atocha.
Un equipu de tres restauradores trabayará dos meses nuna primer fase na que se restaurarán cuatro d’estes ancles, les que taben en peor estáu, como La Garza o La Paca Gómez.
L’oxetivu ye recuperar l’esplendor d’esti equipamientu, que ye ún de los llugares más visitaos y fotografiaos del conceyu.
Amás, nesta primera fase, tamién se llimpiarán les peanes y recrearánse n’impresión 3D les plaques de les ancles que fueron robaes.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL