Sindicatos denuncien que cientos de profesores van acabar el cursu ensin tar inmunizaos

Apunten al parón que sufrió l'alministración de la segunda dosis d'AstraZeneca​

Los sindicatos educativos denuncien que cientos de profesores van acabar el cursu ensin tar inmunizaos. Nun tienen datos concretos, pero sí l'enfotu de que munchos maestros y profesores quedaron ensin la segunda dosis de la vacuna.

Los sindicatos docentes apunten al parón que sufrió l'alministración de la segunda dosis d'AstraZeneca, una vacuna qu'en principio yera pa los colectivos esenciales, como'l profesoráu.

N'Asturies cuasi 120.000 persones tán pendientes d'esta segunda dosis. Más de 98.000 pertenecen al colectivu de persones ente 60 y 69 años, a quien tamién se-yos destinó prioritariamente esta vacuna.