Diez conceyos asturianos tienen un refuxu municipal de recoyida d’animales, según afita’l rexistru de núcleos zoolóxicos del Principáu. Ye un serviciu que pue mancomunase o ser subcontratáu, pero delles protectores reclamen al Principáu que construya un centru autonómicu.
Les protectores alerten de la necesidá de construyir el centru asturianu pa dar serviciu a los conceyos más pequeños.
Denuncien qu’a pesar de que la normativa autonómica yá obliga a los ayuntamientos a facese cargu de la recoyida y l’agospiu de los animales perdíos o abandonaos, sigue habiendo falta de refuxos municipales propios, subcontrataos o mancomunaos.
Alerten de que los conceyos más pequeños nun podrán cumplir cola llexislación de bienestar animal en trámite.
Espliquen que la futura llei sigue obligando a les alministraciones locales a la xestión y el cuidáu de los animales, pero señalen que lo fadrá estensible a la comunidá autónoma, que tamién sedrá responsable subsidiariu.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL