Tapia caltendrá’l so nome

Lluz verde a la toponimia tradicional del conceyu d’El Valle Altu de Peñamellera

L’alcalde de Tapia de Casariego confirmó que’l conceyu caltendrá´l so nome. El Boletín Oficial del Principáu recoyía díes p’atrás un cambéu importante, la perda oficial del "apellíu" del conceyu, el "de Casariego", sicasí, l’alcalde del conceyu aseguró a TPA Noticies que ye un error y que se solucionará en futuros asoleyamientos del BOPA.

El nome de Tapia de Casariego ye en reconocencia a Fernando Fernández-Casariego, benefactor de la villa.

El Valle Altu de Peñamellera

Per otru llau, el Conseyu de Gobiernu del Principáu d’Asturies acaba de dar lluz verde a la toponimia tradicional del conceyu de Peñamellera Alta, conceyu que dende agora pasa a llamase El Valle Altu de Peñamellera, un cambéu que tendrá pocos efectos aseguren dende l’Ayuntamientu.

Dan anuncia de que nun planteguen da-y treslláu énte l’Alministración que, solliñen, caltién les sos competencies en materia de toponimia.

Ente los vecinos, los más d’ellos desconocen el cambéu toponímicu, reconocen que’l so conceyu asítiase nel Valle Altu, pero dalgunos tán más a gustu col nome d’anguaño y aventuren dalgún qu’otru trestornu.

Nel restu del conceyu, con 68 topónimos espardíos peles ocho parroquies, malapenes hai cambeos más allá de La Collá y Trespalaciu.