Yá se pue dir al dentista, pero con una serie de midíes de seguridá

El contactu ente pacientes tien que ser mínimu y en dalgunes clíniques tomen la temperatura

Hasta ayeri los dentistes namás atendíen urxencies, agora yá se pue dir al dentista pero con una serie de midíes de seguridá. Ye esencial la cita previa y, nel casu de los más pequeños, los padres nun podrán acompañalos más allá de la sala de espera.

El contactu ente pacientes debe ser mínimu y en dalgunes clíniques tomen la temperatura a tolos pacientes al entrar.

La clínica odontolóxica Llaca, d'Uviéu, p'atender a los sos pacientes más mozos nel estáu d'alarma, facilitaron vídeos con conseyos pa caltener los aparatos o pa reparar dalgún pequeñu problema que d'otra manera nun podríen atender.

Declaráu l'estáu d'alarma llamaron, delles selmanes, a tolos sos pacientes pa tresmiti-yos tranquilidá y seguridá.

Recuerden qu'agora, que yá puen recibilos, ye imprescindible la cita previa pa evitar el contactu con otros pacientes.