Sánchez cita a Barbón en La Moncloa'l 27 de setiembre

Barbón afitó que nel alcuentru va dexar clara la so postura sobro'l financiamientu autonómicu

El xefe del Gobiernu, Pedro Sánchez, va siguir la próxima selmana la so ronda de xuntes colos presidentes autonómicos y va recibir el vienres 27 de setiembre nel Palaciu de la Moncloa a los máximos responsables de Cantabria, María José Sáenz de Buruaga; La Rioja, Gonzalo Capellán; y Asturies, Adrián Barbón.

L'Executivu informó de que Sánchez veráse con esos tres presidentes autonómicos, una vegada torne del viaxe que va facer esa selmana a Nueva York pa participar en diversos actos dientro de l'apertura del nuevu periodu de sesiones de l'Asamblea de la ONU.

La ronda de contactos colos presidentes autonómicos va empezar esti vienres, cuando van dir a Moncloa, per esti orde, el lehendakari, Imanol Pradales; el presidente de Galicia, Alfonso Rueda; y el d'Andalucía, Juanma Moreno.