Uviéu aprueba les ordenances fiscales pa 2025, qu'inxerten una xubida del IBI

El cambéu inxerta una medría de les tases de basura, servicios de conciliación y saniamientu

Uviéu aprueba les ordenances fiscales pa 2025, qu'inxerten una xubida del IBI del 0,54% al 0,58% y tambén una medría de les tases de basura, servicios de conciliación y saniamientu. Una manera, xustifica'l gobiernu local, de buscar un equilibriu presupuestariu pa caltener los servicios públicos y facer les inversiones previstes.

Unes ordenances que recibieron cuasi 100 enmiendes de la oposición que calificaron d'amargues, asfixantes, con una xubida d'impuestos que denuncien tien esclusivamente un afán recaldatoriu.

El plenu tamién aprobó un cambéu presupuestariu de 47 millones d'euros p'amortizar préstamos a llargu plazu y medrar la partida referente al agua.