L'alcalde de Ribedeva afita que nun cometió nenguna irregularidá alministrativa

Acúsenlu, ente otros asuntos, de xubise'l sueldu ensin que tuviera nel orde del día

L'alcalde de Ribedeva declárase inocente polos presuntos delitos de prevaricación de los que lu acusen los grupos municipales del PSOE y del PP.

El rexidor de Juntos por Ribadedeva, Jorge Martínez, aseguró güei ante la xueza de Llanes que nun cometió nenguna irregularidá alministrativa, a pesar de les denuncies presentaes por socialistes y populares.

El PSOE acúsalu de xubise'l sueldu ensin que tuviera nel orde del día y de querer quitar los informes del secretariu del rexistru municipal, mientres que'l PP denunciólu pola xuba de sueldu, pola contratación de los servicios xurídicos ensin cuntar colos del Conceyu y por nun convocar los plenos cada mes.