El PP reclama al Principáu que "reconsidere la so estratexa" sobro los accesos a El Musel

Pide que se tengan en cuenta "opciones soterraes" pa estos enllaces

El PP d'Asturies anunció esti llunes que va llevar al plenu de la Xunta Xeneral una moción pa encamentar al Principáu a “reconsiderar la so estratexa” sobre los accesos al cai d'El Musel y pidir que se tengan en cuenta “opciones soterraes” pa estos enllaces, y pa reprobar al secretariu d'Estáu de Tresportes.

El diputáu rexonal del Partido Popular Andrés Ruiz afirmó qu'esta opción podría ayudar a iguar munchos problemes medioambientales y vecinales y garantizar que se lleva alantre una infraestructura clave pa “la crecedera económica y la competitividá de la rexón asturiana”, como son los accesos al cai.

Amás, Ruiz afirmó que'l Ministeriu engañó “a la ciudadanía xixonesa” y reclamó que s'impulse un “informe técnicu independiente” pa evaluar les actuaciones tanto del ministru de Tresportes, Óscar Puente, como del secretariu d'Estáu de Tresportes, José Antonio Santano, que, según afirmó, "llevaron a desaniciar el proyectu del vial de Xove".