Satisfacción moderada na fastera del Caudal cuando se cumple'l primer aniversariu de l'alta velocidá n'Asturies

Dellos colectivos insisten en que'l primer y últimu tren del día paren nes estaciones de L.lena y Mieres

Llixeramente nota’l sector inmobiliariu del Caudal esti añu d’Alta Velocidá. Facilita los desplazamientos pa visitar inmuebles y crea interés, pero nun s’afita como razón principal na medría de compra o alquiler na zona señala Laura Hernández, empresaria.

Nos hoteles de los cascos urbanos confirmen la so repercusión nes reserves. A la escontra, los agospios rurales del Monte Central malapenes lo noten asegura Faustino Núñez, presidente de l’Asociación d’Agospios Rurales del Monte Central (Asturcentral).

Dende los ayuntamientos treslladen l’interés empresarial. Sicasí, reivindiquen cuestiones pendientes apunta Gema Álvarez, acaldesa de L.lena.

Sofitaos por dellos colectivos, insisten en que’l primer y últimu tren del día paren nes estaciones de L.lena y Mieres.